ஹன்சிகாவின் 50வது படமான மஹாவில் சிம்பு கவுரவத் தோற்றத்தில் நடித்துள்ளார். விமானியாக நடித்துள்ள அவரின் பெயர் ஜமீல். கவுரவத் தோற்றம் என்றாலும் சிம்பு 45 நிமிடங்கள் வருவார். சிம்பு என்றால் வம்பு, படப்பிடிப்புக்கு சரியான நேரத்திற்கு வர மாட்டார்
என்கிற குற்றச்சாட்டு உள்ள நிலையில் மஹா பட இயக்குநர் ஜமீல் அவரை பற்றி வேறு மாதிரியாக தெரிவித்துள்ளார். (சிம்பு கதாபாத்திரத்திற்கு இயக்குநர் பெயரை வைக்க வேண்டும் என்று வைக்கவில்லை என்பது குறிப்பிடத்தக்கது.)
வம்பு பண்ணவில்லை
சிம்பு மாதிரி ஒரு ஃபெர்பக்ஷனிஸ்ட்டை நான் பார்த்ததே இல்லை. ஷூட்டிங் ஸ்பாட்டுக்கு சீக்கிரமே வந்துவிடுவார்.
அன்றைய நாள் ஷூட்டிங்கை முடிக்க தாமதம் ஆனாலும் பொறுமையாக இருப்பார். மஹா படப்பிடிப்பின்போது அவர் சரியான நேரத்திற்கு வந்து நடித்துக் கொடுத்தார். அவரை பற்றி குறை சொல்ல ஒன்றுமே இல்லை என்று ஜமீல் தெரிவித்துள்ளார். ஜமீல் சிம்புவை புகழ்ந்து பேசுவது இது முதல் முறை அல்ல.
